Minningar Björgvin Guðmundsson

Á Hamri bjó Jónas Jónsson til vorsins 1903, en flutti þá niður á Tanga. Þá flutti þangað Guðjón Sveinsson síðast búandi á Þorvaldsstöðum. Var hann þá nýleg a ekkjumaður og bjó með tengdamóður sinni Sigurlaugu að nafni.Með þeim flutti að Hamri, Ólafur bróðir Sigurlaugar og Jón sonur hennar, en fóstri Ólafs, og bjuggu þeir með ráskonu er Júlíana hét Gísladóttir. Þar andaðist Ólafur nokkru fyrir jól1905, en þeir mágar Jón og Guðjón fluttu að Norður-Skálanesi vorið 1908, og fór hamar þá í eyði að minnsta kosti um stundarsakir. Síðar ílentist Guðjón á Höfða, en jón flutti til Akureyrar. Guðjón var okkur handgengin og dvaldi of hjá okkur tíma og tíma við að lagfæra eitt og annað því hann var hagur á tré.

                Á Þorvaldsstöðum bjó frændi okkar Benedikt Stefánsson og kona hans Sólveig Stefánsdóttir fædd þar og uppalin.Þau höfðu mikla ómegð og voru lengst af fátæk.

                Á Leifsstöðum Bjó Stefán Jónsson kvæntur Sigurbjörgu Stefánsdóttur, hálfsystur Sólveigar á Þorvaldsstöðum. Að  undanskyldum elsta syninum Jónasi flutti öll fjölskyldan til Ameríku.

                Um ábúendur utar í dalnum er mér ókunnugt.

Á  Áslaugarstöðum bjó Eiríkur faðir Brynjólfs símaverkstjóra, mun hann hafa andast 1905. Á Hróaldsstöðum bjó maður að nafni Jón. Í Hvammgerði bjó Grímur faðir Sigríðar konu Sigmars í Krossavík, Sæmundar á Egilsstöðum og þeirra systkina.

                Á Hámundarstöðum bjuggu bræður tveir Björn og Sveinbjörn,ættaðir úr Húnavatnssýslu,.Var Sveinbjörn kvæntur Guðbjörgu Gísladóttur  af Héraði, meðal barna þeirra er Valdemar íþróttakennari. Björn var kvæntur Sigríði Pálsdóttur úr Borgarfirði suður.

                Á Ljósalandi bjó Þórður hálfbróðir þeirra Hámundarstaðabræðra, hann var kvæntur Albínu Jónsdóttur, Kristjánssonar úr Öxarfirði, um eitt skeið bónda á Áslaugarstöðum. Meðal barna þeirra Þórðar og Albínu eru: Jónas bókhaldari á Akureyri og Sigvaldi húsameistari í Reykjavík. Um ábúendur í Strandhöfn nyrsta bæ í Vopnafirði er mér ekki sæmilega kunnugt, þar til um1904 - 05, að þangað flytja tveir bræður Guðjón og Jón Jósefssynir frá Skógum. Jósef andaðist 1903, en síðar gekk Guðjón að eiga ekkju hans,Hildi Sigurðardóttir sem mun hafa átt einhvern hluta í Strandhöfn. Meðal barna þeirra er Sigurður bæjarfógeti á Ólafsfirði.