Skemmtiferðaskip.

Skemmtiferðaskipið á leið inn fjörðinn  í morgun.

Í morgun kom hingað skemmtiferðaskipi PLANCIUS , skráð í Vlissingen sem mun vera í Hollandi enda flaggaði skipið þeim fána.Ég fór út með lóðsinum og tók nokkrar myndir, sumar af þeim koma hér aðrar seinna, þegar tími vinnst til.Það var ekki sama hver var spurður um farþegatöluna flestir voru þeir sem nefndu töluna 87 og sel ég hana ekki dýrari en ég keypti. Skipið gerir ráð fyrir að stoppa hér í 12 klst.Munu allir farþegarnir ætla með rútum upp í Mývatnssveit, enda mættar á svæðið upp úr sjö tvær slíkar merktar Tanna Travel.Skipið mun vera nálægt 100 metrar að lengd, og er með rými fyrir eitthvað rúmlega 100 manns. Sem sagt Mini skemmtiferðaskip. En mjór er mikils vísir og máski kemur eitthvað bitastætt upp úr þessari heimsókn.Áhöfn skipsins mun vera milli 30 og 40 manns þannig að þjónusta æti að get verið góð, en sennilega er það fólk sem ferðast með þessum litlu skipum til norðlægra landa með önnur áhugamál en gera vel við sig í mat og drykk. Mér sýndist á útbúnaði og skóbúnaði farþegana þegar þeir gengu frá borði að þeir hefðu ekki í hyggju að standa lengi við í veislusölum og minjagripaverslunum.Okkur fannst einkennilegt að ekkert heyrðist í vélum skipsins, og við nánari eftirgrennslan var okkur tjáð að skipið væri rafmagnsknúið, og til raforkuframleiðslunnar væru notaðar dísilvélar, veit ég ekki nánari útfærslu á því og hætti mér ekki út á þann hála ís að reyna eitthvað að útskýra þetta meira.Allt er nú ónýtt ef ekki eru leiðsögumenn með í ferð.Í það verkefni völdust Ágústa Þorkelsdóttir Refsstað, og Philip Vogler  Egilsstöðum ? ( að ég held) LÆt fylgja hér með nokkrar myndir fleiri koma fljótlega í albúmi.
Lóðsin Björgvin Hreinsson klifrar um borð

Þorsteinn Steinsson sveitarstjóri og Þórunn Egilsdóttir oddviti

Rjómablíða.

Það má geta þess, að það er sól og sumar hér,  núna um hádegisbilið er glampandi sólskin logn og 17° hiti í forsælu.